"Alhamisi 19. Mwezi wa nane 1909 […] Bwana Laming amenizawadia ukanda wa shingo ya mbwa wa Washambaa, wanautumia wakienda na mbwa kuwinda nguruwe Ukanda huo unabeba kengele kubwa iliyochomelewa kwa mikono huitwa „gongongo“ Hutengenezwa kwa vyuma chakavu kama vile vifaa vya kulimia, majembe au vitu vya vyuma vinavyouzwa kwenye duka la Wahindi. Hivivitu hupigwa kwa nyundo halafu kipande cha duara hutengenezwa na kupindwa katikati huwekwa risasi ya chuma. Kamba ya kumfungia mbwa kengele hutengenezwa kwa „malamba“ yaani majani makavu yanayoning‘iniya nje kwenye shina ya migomba.Pia kutoka kwa Bwana yule yule nimepata mfuko wa ugoro wa Washamba. Umetengenezwa na gozi ya swala iliyoondolewa manyoya (pala). Ngozi inachunwa inasafishwa na kujazwa majani halafu inkaushwa.Baadaye hukunjwakunjwa kwa mikono ili ilainike halafu hupakwa mafuta ya Kwenne (Telfairia pedata) kuilainisha zaidi (inaendelea Kitabu. 54) [...]" "(inaendelea kutoka kitabu 53) gunia hilo liko wazi upande moja upande wa pili kuna utepe wa ngozi ya nyati kwenye sehemu ya utepe unaoning’inya kuna kifundo kinachoweza kusukumwa kwa kutumia mzunguko wa shaba utepe huu unavutwa kufunika sehemu ya gunia iliyo wazi. Hivyo gunia linafunikwa na laweza kubebwa mabegani kutumia utepe.“ [Utafsiri]

chanzo: Museum der Kulturen Basel, VI 56197, 53 (132)
mwandishi: Karl Braun

Mnamo mwaka 1934, aliyekuwa mkurugenzi wa Taasisi ya Biolojia ya Kilimo na Misitu (Biologische Reichsanstalt für Land- und Forstwirtschaft) Karl Braun (1870–1935) alitoa kile kinachoitwa “Kolonialsammlung Braun” (Makusanyo ya Mkoloni Braun) kwa Jiji la Hanseatic la Stade, au tuseme aliyekuwa mwakilishi wake, meya wa wakati huo Hans Arthur Meyer (1884–1961). Tazama faili „Uhamisho wa makusanyo ya kikoloni kutoka kwa diwani mkuu wa serikali Profesa Dk. Karl Braun huko katika Jiji la Stade” („Überlassung einer Kolonialsammlung vom Oberregierungsrat Professor Dr. Karl Braun in Stade an die Stadt Stade") katika Jimbo la Saxony ya Chini Hifadhi ya Nyalaka ya Stade (Niedersächsischen Landesarchiv Standort Stade).

chanzo: Niedersächsisches Landesarchiv Standort Stade, Dep. 10 Nr. 03025

Mnamo mwaka 1997, aliyekuwa mtunza kumbukumbu wa jiji kwa wakati huo Jürgen Bohmbach anahitimisha makubaliano ya makabidhiano kwa mkopo wa kudumu katika Jumba la Makumbusho (Museumsverein Stade e.V.) chini ya aliyekuwa mkurugenzi wa wakati huo Gerd Mettjes kwa kutia saini. Baadaye, makusanyiko kutoka kwa Karl Braun yalihamishiwa kwenye Jumba la Makumbusho (Museumsverein Stade e.V.) kwa ajili ya utunzaji.

chanzo: Museen Stade, Vereinbarung Leihgabe "Brauns'sche Kolonialsammlung"