"Jumamosi 10. Mwezi wa nne 1909 [imepigwa mstari] Asubuhi nimeendelea kuufanyia kazi mzigo mkubwa wa mimea kwa ajili ya Berlin. Mchana mafaili. – Najaribu kukusanya vitu vyote ambavyo Wasuaheli [sic] huvinunua kwenye maduka ya Wahindi kama mahitaji yao. Kwa lengo hilo nimewafanya akina „Boy“ waandae orodha kwanza na hapo nikakuta vitu vingine ambavyo hata sivijui. Leo nimepata :kofia ya kituruki yenye rangi nyekundu iliyopauka imetengenezwa na kitambaa gandamizo chekundu huitwa kwa kisuaheli: kofia stambuli huku juu ina mpini mdogo [u. 46] inasemekana kwa kibonei [?]: huitwa shuju [?]. Kofia ya aina hiyo hugharimu hela 50 hapa Amani. Tanga hununuliwa kwa hela 25. Pia nikanunua kofia nyeupe ya kawaida. Imetariziwa na nyuzi nyeupe aina hii huitwa kofia ya eherhani [?] [inadhaniwa r 2018 / 18373]. Maana yake kofia iliyotengenezwa kwa cherehani. Hapa moja inagharimu nusu rupie, kule Tanga kama hela 30. / kofia kama ile yenye jina hilo hilo ila imeshonewa upinde wenye mapambo ya nyuzi nyeusi hapa inagharimu hela 75 pale Tanga hela 50 Mapambo hapa [?] kwa N* [1] ni mistari inayoingiliana vimeshonwa kiholela kwa mashine [michoro mitatu yenye umakini ya mistari ya mshono] Ikiwa kofia imekeketwa huitwa kofia ya someno [?], kofia iliyoshonwa [?] kamwe si laini kofia ya futo / kofia maridadi na ya thamani huitwa kofia buibui (shajara 52, u.39) na hulipiwa Rupien kadhaa. Pia nimenunua nguo kadhaa: [u. 47] [mchoro wa rangi] Kitambi, kitambaa chenye rangi nyingi kilichofumwa. Hutengenezwa India au inawezekana Uingereza. Mistari yenye rangi nyingi hutengenezwa na mapambo ya nyuzi zenye rangi zilizofumwa. Rangi kuu ni zambarau tepe nyembamba zenye rangi ya machungwa – manjano, nyeupe rangi ya ndimu nyeupe nyekundu na nyeupe zimefumwa kwa pambo lililopo hapa kila mstari hutengenezwa kwa nyuzi mbili. [mchoro wa rangi] pambo la juu huchukua nusu ya upana wote na linajirudia upande mwingine [?]. upana wote ni 106 cm, urefu 212 cm. Bei hapa Amani ni 1 rupie. Kitambaa huvaliwa na wanauma kiunoni. Kitambi kingine upana 16 cm b 168 kina upinde mwekundu katikati kuna sehemu zilizozungushwa na nyuzi za manjano, zenyewe ziliundwa kwa nyuzi nyekundu na nyeusi [?]. Kati ya upinde mwekundu na eneo la ndani kuna / [u. 48] [mchoro wa rangi na mwandishi] mstari wa wima mweupe. Kitambaa hicho pia huvaliwa na wanaume kiunoni na moja hugharamia 1 rp. 25. / Shuka au kitambaa cha kiunoni na upinde wa kawaida mweusi na mwekundu. Urefu 172 upana 89 cm, bei hapa Amani hela 60. [mchoro mdogo wa rangi] / shuka ya kawaida zaidi linagharamia hela 50 ni kitambaa, upana 98cm na urefu 186 cm lang. Upinde ni [masahihisho] mistari mwekundu kijani na zambarau. Bei ni hela 50. [mchoro mdogo wa rangi] / Pia nimepata ubani tofauti tofauti: [...] [u. 50] [mchoro wa rangi] pana [...] [?] (shajara 52, u. 59) Kikoi kina upinde wenye rangi nyingi. Vitambaa hivi vinasemekana kuwa maridadi zaidi. upana 95 cm urefu 168 cm bila upinde wa nyuzi zinazoning‘iniya urefu wa hizo ni 10 cm." [Utafsiri] [1] The N-word (N*) is a highly racist term used to refer to Black people. The term originated in the context of "racial" theories and is closely linked to the history of slavery and colonialism. In the transcription of original sources, it has not been reproduced but instead marked as a racist, derogatory, and offensive term.

50 Heller (für Europäer), 25 Heller (für lokale Bevölkerung)

chanzo: Museum der Kulturen Basel, VI 56197, 53 (46)
mwandishi: Karl Braun

“125. Kofia nyeupe ya Boy's / Kofia nyeupa [?], Kofia ya cherehani [?] / kazi ya cherehani / Amani, duka la wahindi 10. mwezi wa nne 1909 = hela 30 / TB 53,46. / mapambo hapohapo / Kofia ya someno [?] = kofia yenye mapambo kama msumeno pembeni ([...] [?] kofia)" [Utafsiri]

chanzo: Museen Stade, r 2018 / 18566
mwandishi: Karl Braun

Mnamo mwaka 1934, aliyekuwa mkurugenzi wa Taasisi ya Biolojia ya Kilimo na Misitu (Biologische Reichsanstalt für Land- und Forstwirtschaft) Karl Braun (1870–1935) alitoa kile kinachoitwa “Kolonialsammlung Braun” (Makusanyo ya Mkoloni Braun) kwa Jiji la Hanseatic la Stade, au tuseme aliyekuwa mwakilishi wake, meya wa wakati huo Hans Arthur Meyer (1884–1961). Tazama faili „Uhamisho wa makusanyo ya kikoloni kutoka kwa diwani mkuu wa serikali Profesa Dk. Karl Braun huko katika Jiji la Stade” („Überlassung einer Kolonialsammlung vom Oberregierungsrat Professor Dr. Karl Braun in Stade an die Stadt Stade") katika Jimbo la Saxony ya Chini Hifadhi ya Nyalaka ya Stade (Niedersächsischen Landesarchiv Standort Stade).

chanzo: Niedersächsisches Landesarchiv Standort Stade, Dep. 10 Nr. 03025

Mnamo mwaka 1997, aliyekuwa mtunza kumbukumbu wa jiji kwa wakati huo Jürgen Bohmbach anahitimisha makubaliano ya makabidhiano kwa mkopo wa kudumu katika Jumba la Makumbusho (Museumsverein Stade e.V.) chini ya aliyekuwa mkurugenzi wa wakati huo Gerd Mettjes kwa kutia saini. Baadaye, makusanyiko kutoka kwa Karl Braun yalihamishiwa kwenye Jumba la Makumbusho (Museumsverein Stade e.V.) kwa ajili ya utunzaji.

chanzo: Museen Stade, Vereinbarung Leihgabe "Brauns'sche Kolonialsammlung"

I: Ahaa sawasawa tunaendelea na nina picha ya kifaa ambayo imesjiliwa na namba 2018_18385_1 hebu angalia unaweza ukatuambia hiko ni kitu gani? R: Kama kofia I: Kofia? R: Eeeeh I: Kofia gani ina jina maalumu labda? R: Hii kofia ya kiisilamu hii I: Inaitwaje ni kofia ya kiisilamu lakini inaitwaje? R: Baraghashia I: Ehee sawasawa na umesema ni barakashia unaweza ukadhani kwamba ni watu wa kabila gani au ni watu wa utamaduni gani wanazivaa hizo barakashia? R: Hizi watu wa mjini Zaidi I: Watu wa mjini watu labda wa makabila gani? R: Barakashia hii wanavaa wadigo, kwa ujumla ni watu wa mjini I: Wadigo ehee watu wa mjini kwahiyo ni waisilamu tu wanavaa? R: Wakristo wanavaa siku hizi hakuna kuachia mtu, watu wanashindana siku hizi I: Kwahiyo haina watu maalum tutu yoyote anaweza akavaa? R: Ndiyo I: Na kinapatikana maeneo gani mtu akitaka kukipata hiki anaenda wapi anaweza akapata kama mjini wapi anaeza akapata? R: Hata Muheza anaweza akapata I: Hapa Muheza sawa nani watu gani wanatengeneza sana hivo vibarakashia? R: Kuna watu mafundi wanatengeneza I: Labda ukanda gani maana tukisema tunatofautisha labda kwa watu wa bara na watu wa pwani? R: Watu wa pwani I: Watu wa pwani ndiyo wanatengeneza sana hivo mhh kwahiyo mikoa yote ya pwani unaweza ukapata? R: Eeeeh ukapata I: Sawasawa labda inatumikaje barakashia? R: Wanavaa I: Wanavaa? R: Eee wanavaa kichwani I: Wakati gani inavaliwa hiyo barakashia? R: Mapenzi ya mtu lakini mara nyingi sana huwa wanapendelea kuvaa wakienda msikitini I: Wakienda msikitini? R: Eeeeh I: Mhhh wanaopenda kuvaa ni watu wa jinsia gani na umri gani labda? R: Barakashia ni watu wenye umri wakuanzia miaka sitini eeh I: Wa kike au wakiume? R: Wakiume I: Kwanini wakiume? R: Ndiyo utaratibu I: Nani kauweka utaratibu huo? R: Ni sisi wenyewe I: Kwamba wanaume ndiyo wanavaa barakashia? R: Ukimkuta mwanamke kavaa barakashia nikumuhoji I: Kumuhoji? R: Eeeeeh I: Hahahahaha R: Lakini hivihivi havai barakashia I: Sawasaawa labda mtu anayetumia anayevaa barakashia kuna mavazi mengine anatakiwa kuvaa pamoja na barakashia? R: Mara nyingi inapendeza kuvaa kama mwanaume anavaa barakashia alafu amepiga kanzu yake I: Sawasawa na barakashia ina umuhimu gani? R: Ni vazi tu I: Ni vazi ehee vazi la kusitiri kitu gani? R: Khaaaaa we bwana weee I: Hahahahaha R: Sasa wewe suruali umevaa kwa ajili gani? I: Hii inasitiri matako, barakashia sasa inasitiri nini? R: Barakashia ni vazi la kuingia msikitini haisitiri chochote na kichwani hakuna kitu cha ajabu I: Lakini ina umuhimu barakashia? R: Ina umuhimu I: Umuhimu wake ni nini? R: Kama ukiwa na nia ya kwenda msikitini kuvaa barakashia unavoingia msikitini unaswali alahu akbar unaivuta mpaka hapa unafunga swala I: Na mpaka tunavozungumza hivi kuna watu wanatengeneza barakashia? R: Eeeeh I: Kwa wingi kiasi gani? R: Hiyo mimi sijawahi kutumia eeh I: Na kwa hapa Amani kuna watu wanatengeneza barakashia? R: Hakuna hapana I: Hapa Amani hamna R: Wazee nilokuwa nawafahamu akina Hasani Semkiwa I: Hasani Semkiwa alikuwa anatengeneza? R: Alikuwa anatengeneza I: Ambaye anaishi hapa Amani R: Ndiyo I: Bado anatengeneza au kaacha? R: Ameshafariki I: Oh ameshafariki? R: Eeeeh I: Na ukiachia Hasani Semkiwa kuna mwingine alikua akitengeneza Amani barakashia? R: Hapana I: Hapana ni huyo tu? R: Eeeeh I: Na unaweza kutuambia barakashia inatengenezwa kwa kutumia nyenzo gani? R: Ahhha hizi nyuzi za kushonea viatu eeh I: Mhhhh R: Ndiyo unatengeneza kofia I: Na labda hizo nyenzo za kutengenezea za kutengenezea barakashia zimebadilika kulingana na muda au ni ndiyo zimekuwa ni hizo hizo? R: Zina badilika badilika umkute tu anazichukua hizi za kushonea umkute huyu kachukua hizi za kushonea barakashia hizi siyo za cherehani I: za cherehani R: Ndiyo I: Ahaa kwahiyo kuna zinazotumia nyuzi za cherehani, kuna ambao hawatumii nyuzi za cherehani, kwanini? R: Unajua bwana watu wanataka ili kurahisisha vitu I: Kwahiyo ni ipi rahisi kupata kutumia kutengenezea barakashia? R: Nyuzi za kawaida za cherehani I: Ya cherehenina barakashia ina thamani gani inaweza ikawa inauzwaje kwa hivi sasa? R: Pengine sijavaa hizi I: Lakini unaweza ukakadiria kwamba inauzwa shilingi ngapi? R: Pengine shilingi elfu kumi I: Elfu kumi sawasawa kwahiyo inapatikana maeneo ya mjini? R: Eeeeh I: Sawa kwa hapa mzee Semkiwa ndiyo alikua akitengeneza? R: Eeeeh

chanzo: Amani-Stade Project / Amani Field Research 2023, Interview No. 01
mwandishi: I: Mohamed Seif, R: Anonymous